Өглөө.мн Шинэ өглөө, Шинэ мэдээлэл
“Авьяаслаг Монголчууд” шоу нэвтрүүлгийн шилдэг оролцогч Б.Шижирбат эх орноо төлөөлөн “Asia’s Got Talent 2017” нэвтрүүлэгт оролцож байна.
Тэрбээр график анимешн, бүжиг хоёрыг хослуулснаараа онцлог басхүү өвөрмөц билээ. Өнгөрсөн зун “Авьяаслаг Америкчууд” шоу нэвтрүүлэгт амжилттай оролцсон бол энэ удаад Азийг байлдан дагуулахаар зэхэж байна. Тус шоу нэвтрүүлэг өнгөрсөн сарын 12-ноос эхлэн дэлгэцнээ цацагдсан бөгөөд Б.Шижирбатын хувьд хагас шигшээд өрсөлдөх эрхтэй болсон.
Тэгвэл тус тэмцээний хагас шигшээд оролцоход цахим сүлжээгээр үзэгчдийн саналыг авах бөгөөд Б.Шижирбат дэмжигчдээсээ саналаа өгөхийг хүслээ.
Энэ талаар тэрбээр өөрийн цахим хуудаснаа “Asia’s Got Talent 2017 хагас шигшээгийн санал хураалт 11 дүгээр сарын 16 буюу пүрэв гарагт оройн 20:30 аас нээгдэнэ. Саналыг Facebook болон Google Account -наас өгөх боломжтой бөгөөд нэг хэрэглэгч өдөрт 10-н санал өгөх боломжтой. Санал эхэлснээс хойш дөрөв хоног буюу 11 дүгээр сарын 19-ний 23:59 цаг хүртэл санал авах юм. (Facebook болон Google acc тай хүмүүс энэ хоёр хаягаараа нийт 80-н санал өгөх боломжтой юм.) Санал өгөх зааварчилгааг доорх зурган дээр тайлбарлалаа” хэмээн бичжээ.
