Н.Номтойбаяр, Ц.Сандуй, Д.Гантулга нар МАН-ын удирдах зөвлөлөөс хасагджээ

МАН-ын 28-р Их хурал өнгөрсөн өдрүүдэд болж, намын дүрмээ шинэчлэн, намын дарга, Бага хурал, Удирдах зөвлөлийн гишүүдээ шинээр сонгосон билээ.

МАН-ын Удирдах зөвлөлд нийт 29 гишүүн сонгогдсон бөгөөд эдгээрт, У.Хүрэлсүх, Д.Амарбаясгалан, Ц.Бат-энх, М.Энхболд, Л.Энх-Амгалан, Д.Хаянхярваа, Я.Содбаатар, Б.Саранчимэг, Ө.Энхтүвшин, Г.Занданшатар, Ц.Цогзолмаа, Ж.Эрдэнэбат, С.Батболд, Т.Аюурсайхан, Г.Солтан, С.Бямбацогт, Л.Оюун-Эрдэнэ, Ж.Энхбаяр, Д.Тогтохсүрэн, Ж.Мөнхбат, Ц.Гарамжав, М.Оюунчимэг, Г.Мөнхцэцэг, Д.Сарангэрэл, О.Содбилэг, Ж.Ганбаатар, Д.Оюунхорол, Сү.Батболд, Ч.Улаан, Ц.Нямдорж нарын гишүүд багтаж байгаа юм.

Тэгвэл Ерөнхий сайд У.Хүрэлсүхийг Ж.Эрдэнэбатын Засгийн газарт Шадар сайдаар ажиллаж байхад нь хэвлэлээр “Топор муужгай” хэмээн цоллож байсан УИХ-ын гишүүн Н.Номтойбаяр болон хүчингийн хэрэгт нэр холбогдоод байгаа Д.Гантулга, 60 тэрбумын гэх дуулианы эзэн Ц.Сандуй нар удирдах зөвлөлөөс хасагджээ.

Тодруулбал, МАН-ын Удирдах зөвлөлөөс Б.Бат-Эрдэнэ, Х.Булгантуяа, Д.Гантулга, Т.Гантуяа, Ц.Даваасүрэн, Ц.Сандуй, С.Төмөр-Очир, Н.Төмөрхүү, Д.Тэрбишдагва, Ч.Хүрэлбаатар, Д.Цогтбаатар, Н.Энхболд нарын 12 хүн хасагдсан байна.

Х.Онон

Эх сурвалж: zuv.mn