Өнөөдөр болох үйл явдлын мэдээ

Өнөөдөр Дэлхийн аялал жуулчлалыг дэмжих өдөр,  энэхүү өдрийг  “Ус ба аялал жуулчлал -Ирээдүйгээ хамгаалцгаая” уриан дор явуулна. Өнөөдөр салбарын оюутан залуусыг хамруулсан “Гранд тур” улсын олимпиад, аялал жуулчлалыг сурталчлах үзэсгэлэн, “Дотоодын аялал жуулчлалын хөгжлийн асуудал” сэдэвт  оюутны эрдэм шинжилгээний бага хурал, танин мэдэхүйн “Центавр” асуулт хариултын тэмцээн болох бөгөөд энэ жил  өргөн хүрээнд тэмдэглэх гэж байна. Эл өдрийг ДАЖБ-ын Ерөнхий ассамблейн III чуулганаар хэлэлцэж олон улсын аялал жуулчлалын хамтын ажиллагаа, харилцаа холбоог өргөжүүлэн хөгжүүлж, нэгтгэн нягтруулах, аялал жуулчлалаар дамжуулан нийгэм, соёл, улс төр, эдийн засгийн үнэт зүйлсийг хадгалан хамгаалах, сурталчлах зорилгоор тэмдэглэх болжээ.

09:30-15:30 хооронд НҮБ-ын байранд “Бахархалын 7 хоног 2013” арга хэмжээг угтаж сэтгүүлчдэд зориулсан “Бүлгийн цөөнх ба Хүний эрх” сэдэвт сургалт өглөө болно. Сонирхож байгаа сэтгүүлчид 99883396 утсаар холбоо барина уу.

09.00 цагаас Туушин компанийн байрны 5 дугаар давхарт Соёмбо танхимд, Иргэний нисэхийн салбарт хийгдэж буй болон цаашид хийхээр төлөвлөсөн хийж хэрэгжүүлэх шаардлагатай ажлуудынхаа талаар хэлэлцэх “Салбарын шинэчлэл-2013” зөвлөгөөн болно.

 09.00 цагаас “Улаан загалмай нийгэмлэг” “Цусны төв”-тэй хамтран донорын талаар сэтгүүлчдэд сургалт явуулна. Оролцсон сэтгүүчдэд сертификат олгоно. Холбогдох утас: 91914059

09:30 цагаас Австралиийн ОУ-ын хүмүүнлэгийн байгууллага Сүхбаатар дүүргийн 169-р цэцэрлэгийн хүүхэд багачуудын шүд, амны хөндийн эрүүл ахуйн үзлэг оношлогоо эмчилгээг үнэ төлбөргүй хийнэ. Сэтгүүлчид хүрэлцэн ирээрэй. 88182569

10:00 цагт НЗДТГ-ын А зааланд Нийслэлийн Иргэдийн Төлөөлөгчдийн Хурлын Тэргүүлэгчдийн ээлжит хуралдаан болно. Хуралдаанаар Халаалтын зуухны ашиглалт, зохицуулалтын газар” НӨҮГазрыг “Хэсэгчилсэн инженерийн хангамжийн удирдах газар” ОНӨААТҮГ болгон өөрчлөх, Нисэхийн “Цагаан хаалга”-ыг шилжүүлэн байрлуулах, НИТХ-ын ээлжит хуралдааныг зарлах, зэрэг олон асуудлуудыг хэлэлцэнэ. Холбогдох утас: 325044, 99045255

11:00 цагт Зээлийн батлан даалтын сан, БИД ББСБ-тай хамтран ажиллах гэрээ байгуулна. Энэхүү хамтын ажиллагааны дүнд барьцаа хөрөнгийн дутагдалтай жижиг дунд үйлдвэр эрхлэгч аж ахуйн нэгж, иргэн нь Зээлийн батлан даалтын сангаар баталгаа гаргуулан ББСБ-аас зээл авах боломжтой болох юм.
Зээлийн батлан даалтын сангийн байр: Чингэлтэй дүүрэг, 5-р хороо Оранж плаза 305,306,307 тоот /Тэнгис кино театрын хойд талд/. Тодруулах зүйл гарвал 99117724 утсаар холбогдоно уу.

14:00 цагт БОНХЯ-ны ХААН танхимд Агаарын бохирдлыг бууруулсан компани, хувь хүнд урамшуулал олгоно. Сурвалжилна уу. 99130782 99106727