Өглөө.мн Шинэ өглөө, Шинэ мэдээлэл
09:00 Шилмэл малын үзэсгэлэн яармаг Хүй долоон худагт болж, Ерөнхийлөгч Ц.Элбэгдорж очиж танилцана.
09.00 цагаас УИХ-ын ээлжит бус чуулган хуралдана.
09.00 цагаас МХЕГ-ын 2 давхарт, хурлын танхимд, МХЕГ-ын даргын зөвлөл Ургамал хамгаалах химийн бодис импортлох, хадгалах, худалдах үйл ажиллагаа болон хүлэмжийн аж ахуй эрхэлдэг ААН, иргэдийн үйл ажиллагаанд хийсэн хяналт шалгалтын дүнг хэлэлцэнэ.
09.00 цагаас Гаалийн ерөнхий газрын хүсэлтийн дагуу АНУ-ын ОУХА-ийн Бизнесийг дэмжих санаачилга төслөөс явуулсан сургалтад оролцогчдод гэрчилгээ гардуулна.
09.00 цагаас МҮЭХ-ны байранд “Зохист хөдөлмөр-Зохист цалин хөлс” Онол практикийн бага хурал болно.
09:00 цагаас ХУД-ийн 34 дүгээр сургууль дээр, Нийслэлийн Хан-Уул, Сонгинохайрхан дүүргийн ЕБС-ийн удирдлагуудад архивын шинэ стандартын сургалт хийнэ. Нийслэлд харьяатай байгууллагууд архиваа цахим болгож байгаатай холбоотой дунд сургуулийн цахим архив гэж чухам юу болох талаар заах юм.
10:00 цагт МХЕГ-ын 2 давхарт, хурлын танхимд, Тамхины хяналтын тухай хуулийн хэрэгжилтэд хийсэн хяналт шалгалтын дүнг тус тус нээлттэй хэлэлцэнэ. Сэтгүүлчдийг урьж байна. Тамхины хяналтын тухай хуулийн хэрэгжилтэд хийсэн хяналт шалгалтын дүнг хэлэлцэхэд ЭМЯ, Нийслэлийн ЗАА, Нийслэлийн Цагдаагийн газар, ШӨХТГ зэрэг газруудын хүмүүс оролцоно. Энэ хуультай холбоотой хяналт тавьж, хуулийг хэрэгжүүлэх бүхий л байгууллагуудын төлөөлөл оролцож байгаа тул сэтгүүлчид өргөн мэдээлэл авах боломжтой шүү. … Лавлах утас 261425
10:00 цагаас БШУЯ-аас нэг жилийн турш хэрэгжүүлээд буй “Авьяас хөтөлбөр”ийн үр дүнгийн талаар “Пума” зочид буудлын хурлын танхимд хэлэлцэнэ.
10:00 цагаас ЗЦГ-аас хот хоорондын зорчигч тээвэрлэлтэд хийсэн шалгалтын дүнг танилцуулна.
11:00 цагаас Хүүхдийн урлан бүтээх төвд “Үндэсний утга зохиолын хөгжлийн асуудалд” нээлттэй хэлэлцүүлэг болно.
11:00 цагт Эрүүл мэндийн сайд Н.Удвал Халдварт өвчин судлалын үндэсний төвийн ажилтай танилцана. Холбоо барих утас: 328773
11:00 цагт : МУИС-ын хичээлийн 1-дүгээр байрны Эрдмийн дугуй танхимд Дэлхийн Банкны Зүүн Ази, Номхон далайн бүсийг хариуцсан Дэд Ерөнхийлөгч ноён Аксел ван Троценбург МУИС-ийн оюутнуудтай хийх “Ирээдүйдээ хөрөнгө оруулах нь” сэдэвт нээлттэй хэлэлцүүлэг хийнэ. та бүхнийг урьж байна Утас: 7007-8207
11:00 цагт /“Монгол ньюс” мэдээллийн төвд/ ҮДБЭЧ-ын хүүхдийн шинэ уран бүтээл “Эрх цагаан унага” хүүхдийн дуулалт жүжгийн нээлтэд зориулсан хэвлэлийн хуралд урья. Уг жүжгийг “Цуутын цагаагч гүү” үлгэрээс сэдэвлэн бүтээжээ. Хуралд ирсэн сэтгүүлчдэд урилгатай.
12:00 цагаас ДЦС-4-д Хөдөлмөрийн гавьяаны улаан тугийн одон гардуулах ёслол болно.
13:00 цагт ШӨХТГ-т “Такси үйлчилгээ ба хэрэглэгчийн эрх” нээлттэй хэлэлцүүлэг болно.
13:00 цагт /“Монгол ньюс” мэдээллийн төвд/ “Арвин шар зам” хоршооноос орон нутгийн тээвэрчдийн эрх ашиг хэрхэн зөрчигдөж байгаа талаар мэдээлэл хийнэ. Тэдний ажлын байрыг нийслэлийн авто тээврийн компаниуд сонгон шалгаруулалт нэрээр луйварддаг гэнэ.
14:00 цагаас Сүхбаатар Эрүүл мэндийн нэгдлийн сургалтын танхимд, нэг цэгийн үйлчилгээний байранд ”Хүчирхийлэлд өртөгсдөд үзүүлэх тусламж, үйлчилгээ” сэдэвт үзүүлэх сургууль зохион байгуулагдана. Нийслэлийн 9 дүүргийн ЭМН-ийн дарга, хөтөлбөрийн зохицуулагч, Нийгмийн ажилтан нар оролцоно.
Холбоо барих утас: 320981, 99094393
15:00 Афганистан улсад үүрэг гүйцэтгээд ирсэн ирсэн ёсөн ээлжийн цэргүүд багаараа Жанжин туганд хүндэтгэл үзүүлэх ёслол болно. Сэтгүүлчдийг урьж байна.
17:00 цагаас Монголын залуучуудын холбооны зааланд “Оюунлаг баасан гараг” хөтөлбөрийн хүрээнд Ховд аймгийн залуучууд уулзаж, хэрэгтэй мэдээ мэдээлэлээ солилцох юм байна. Мөн гайхалтай хурдан англи хэл сурч амжилтанд хүрсэн “АБСОЛЮТ” төвийн багш, Wordmaster номын зохиогч Р.Мөнхтэгш “Англи хэл сурах хялбар арга” хичээл заах аж.
17:00 цагаас Монголын урчуудын эвлэлийн уран зургийн галерейд, ШУТИС-ийн архитектурын багш Ж.Энхтүвшин шавь нарын хамтарсан “ХОС ЖИГҮҮР” макетын үзэсгэлэн нээлтээ хийнэ.
О.Рана
