Өглөө.мн Шинэ өглөө, Шинэ мэдээлэл
Аавынхаа чихийг халууцуулж ханадаггүй С.Наранбат бас л танхайрчээ. Тэрээр төрийн өмнө үүрэг хүлээсэн цагдаа гэлтгүй бүгдийг нь дорд үздэг нэгэн билээ. Тодруулбал, тэрээр саяхан хурд хэтрүүлэн давхиж яваад цагдаад баригджээ. Үүргээ гүйцэтгэж байгаа цагдаа шаардлага тавих нь зүй ёсны хэрэг гэтэл С.Наранбат өнөө цагдааг хэл амаар доромжлоод зогсохгүй бүр буу тулгаж дарамталжээ. Эвдэрсэн ааштай түүнд буудуулахаас айсан замын цагдаа эцэстээ юу ч хэлж чадалгүй явуулсан байна. Буруу эрхэлсэн хүүхэд бухийн хүзүүнээс хатуу гэж… Тэрээр хэзээнээс л ядруухан нэгнийг дорд үзэж элдэв бусаар нь харааж дээрэлхдэгээрээ алдартай. Хэл ам хийсэн нэгнийх нь нүүр лүү мөнгө шидэж амыг нь таглаж сурсан нэгэн.
Түүний эцэг Ш.Сайхансамбуу нэгэн цагт “Цагаан шонхор”-ын гэгддэг Энхтайван руу буу тулгаж явсан удаатай Ш.Сайхансамбууг өвчсөн юм шиг дуурайсан хүү нь эцгээсээ юу дутахав гэсэн шиг цагдаад буу тулгасан байна. “Нарантуул” зах нь шатаад бөөн асуудалтай байгаа Сайхансабуугийн гэр бүлийн бас нэгэн асуудал болсон С.Наранбатын сагсуу авир засрахгүй нь бололтой.
