Өглөө.мн Шинэ өглөө, Шинэ мэдээлэл
Манайд хосоороо дуулж амжилтанд хүрсэн нийтийн дууны олон сайхан уран бүтээлч байдаг. Тэдний бас нэгэн залгамж халаа болсон залуу уран бүтээлчид бол дуучин Б.Оюунбат, Р.Бадралмаа нар юм. Сонсогч түмнийхээ сонорыг олон сайхан дуугаараа мялаасан хосууд маань энэ сарын 27 нд Монгол бөхийн өргөөнд 19 цагт “Зүрхний наран” тоглолтоо хийх гэж байна. 2004 онд нийтийн дууны урлагт анх хөл тавьсан хос маань түүнээс хойш өдгөөг хүртэл уран бүтээлээ тасралтгүй хийж иржээ. Ингээд хосууд маань өнгөрсөн есөн жилийн хугацаанд хийж бүтээсэн зүйлээ ард түмэндээ тайлагнах цаг нь болсон гэж үзээд анхны бие даасан тоглотоо хийхээр болжээ. Урлагийн хосууд маань олон түмэндээ “Зүрхний наран “ Хуримын дуу хэмээх сайхан уран бүтээлүүдээрээ илүү танигдсан билээ. Тэдний тоглолтонд зууны манлай хос дуучин Вандан, Дуламсүрэн, МУГЖ Ганзориг, СТА Хосбаяр, бүжгийн Хатантуул хамтлаг оролцоно. Мөн Баянмонгол чуулгатай хамтарч 60,70-аад оны сэтгэлд хоногшсон сайхан уран бүтээлүүдийг эгшиглүүлэх болно.
