Өглөө.мн Шинэ өглөө, Шинэ мэдээлэл
МАН-ын Удирдах зөвлөл хуралдаж УИХ-ын гишүүн Ш.Раднаасэдийг эргүүлэн татах асуудлыг хэлэлцсэн гэх мэдээлэл цацагдах болсон. Тэгвэл асуудалд МАН-ын хууль, эрх зүйн хэлтсийн дарга Р.Саруул өнөөдөр тайлбар өглөө.
Тэрээр “УИХ-ын гишүүн Ш.Раднаасэдийг эргүүлэн татах асуудлыг МАН-ын удирдлагын түвшинд яригдсан гэсэн ташаа мэдээлэл гарсан байна. АТГ-аас УИХ-ын гишүүн Ш.Раднаасэдийг байцааж байгаа гэсэн мэдээлэл ч мөн ташаа. МАН бол улс төрийн намын тухай хуулийн хүрээнд Улсын дээд шүүхэд дүрэмтэй нам. Энэ дүрмээ өдөр тутмын үйл ажиллагаандаа мөрдөж ажилладаг. МАН-ын Удирдах зөвлөл, Бага хурлаар УИХ-ын гишүүн Ш.Раднаасэдийг эгүүлэн татах асуудлыг хэлэлцээгүй, албан ёсны шийдвэр гаргаагүй. УИХ-ын гишүүнийг эгүүлэн татах асуудлыг УИХ-ын тухай хуулийн 6-р зүйлд тодорхой заасан байдаг” гэв.
