Өнөөдөр болох үйл явдлын мэдээ

Өнөөдөр арт галлерейд Г.Лхагвасүрэн, Д.Боргилсайхан нарын “ХӨХ БОРОО-2” хамтарсан үзэсгэлэн нээлтээ хийнэ.

“Австралийн боловсролын үзэсгэлэн яармаг-2013” өнөөдөр “Блю скай” цамхагийн Топаз танхимд эхэлнэ.

 “Ажилтай орлоготой Монгол хүн” хөдөлмөрийн салбарын үндэсний чуулганыг Хөдөлмөрийн яам, МҮЭ-ийн холбоо, Монголын ажил олгогч эздийн нэгдсэн холбоо хамтран өнөөдөр Төрийн ордны их танхимд зохион байгуулна.

Өнөөдөр ялалтын талбай “3D Өндөрлөг” зохион байгуулагдана.

 08:00 цагт ШУТИС-ийн Хурлын заал (3-н давхарт Монголын анхны “ӨГЛӨӨНИЙ ХҮН” хөтөлбөрийн 3 жилийн ойн хүрээнд “БИД ӨГЛӨӨНИЙ ХҮМҮҮС” өглөөний хүмүүсийн анхдугаар чуулга уулзалт зохион байгуулагдана. Энэхүү чуулга уулзалтанд Эрүүл Идэвхитэй амьдралын үндэс болох Өглөөний хүн байхын ач холбогдлыг салбар бүрийн мэргэжилтэн багш нарын сонирхолтой илтгэлүүд тавигдана. Дэлгэрэнгүй мэдээллийг: 7012-8882 8980-5559

11:00 цагаас Хэвлэлийн хүрээлэнд Ардчилсан намын бодлогыг дэмжээгүй гишүүд жигүүр байгуулж байгаа тухай тус намын гишүүд мэдээлэл хийнэ

11:00 цагаас Дүнжингарав худалдааны төв дээр автобус 3 компани нээлттэй хаалганы өдөрлөг хийнэ.

11:00 цагаас МҮОНТ-ийн байранд МҮОНТ-ийн хамт олон  “нээлттэй хаалганы өдөрлөг” нээлтээ хийнэ

11:00 цагт Улаанбаатар Төмөр Замын төв вокзал дээр Монгол улсын Батлан хамгаалах яамнаас цэргийн хэргийн өндөр мэдлэг, боловсролтой албан хаагчдыг өөрийн оронд бэлтгэхээс гадна дэлхийн өндөр хөгжилтэй орнуудад бэлтгэдэг. Эдгээр бие бүрэлдэхүүний нэгэн хэсэг болох алба хаагч, суралцагчдыг үдэн гаргах ёслолын ажиллагаа болно. Хүндэтгэлийг арга хэмжээнд эрхэм сэтгүүлч та бүгдийг хүрэлцэн ирэхийг уръя. Холбогдох утас: 9188-0054

 11:40 цагт болно МҮОНТ-ийн нэвтрүүлэг дамжуулах төв шинэ тоног төхөөрөмж суурилуулан ажиллуулж эхлэх нээлтийн ёслолд  сэтгүүлчдийг хүрэлцэн ирэхийг урьж байна. Мэдээлэл МҮОНРТ-ийн Олон нийтийн мэдээллийн төвд болно.

 12:00 цагаас Blue moon арт галлеред  “Таны таталбар зураг” нээлттэй өдөрлөг зохион байгуулагдана.  Уран бүтээлчид болон урлагт хайртай хүмүүсийг холбож урлагийн тухай яриа өрнүүлсэн ээлжит урлагийн өдрийг таталбар зургийн өдөрлөг болгон зохион байгуулж байна.

17:00 цагт Соёлын Төв Өргөөнд Монгол Улсын Хөдөлмөрийн баатар, Ардын уран зохиолч, Төрийн шагналт яруу найрагч Дэндэвийн Пүрэвдоржийн мэндэлсэний 80 жилийн ойд зориулсан “Дөрвөн цагийн тал” хүндэтгэлийн цэнгүүн болно. Холбоо барих утас: 96366056; 99146056

17 цагт “VOLI” арт галарейд зураач, лимбэчин Т.Пүрэвбаатарын “Сонгох уу, эс сонгох уу?”анхны бие даасан үзэсгэлэнгийн нээлт болон “Хэрвээ хүмүүс…” лимбэний гоцлол цомгийн баяр болно. Эхээс мэндлэхдээ дөрвөн мөчнийхөө зөвхөн ганцыг авч төрсөн ч эрхтэн бүтэн биднээс илүүтэй хийж бүтээх, туурвин цогцлоох хүсэл тэмүүллээр дүүрэн яваа түүнтэй уулзаж бүтээлүүдийг нь сонсож, харж сэтгэл оюунаа баясгаарай!  Жич: VOLI арт галарей Багшийн хөгжлийн ордон, Идэр дээд сургуулийн хажууд байдаг. Холбоо барих утас: 99148216

18 цаг 30 минутаас Дуурь бүжгийн эрдмийн театрт JCI Монгол байгууллагаас анх удаа Нийгмийн гарамгай залуус шалгаруулах TOYP ёслолын ажиллагаа болно. 30 гаруй орноор 10 жилийн турш бэдэрч Монголын соёл түүхийн тухай үнэлж баршгүй их архив сурвалжилж цуглуулсан соёл судлаач Ц.Санчир, 16 мянган хүүхдэд зүрхний үнэгүй оношилгоо хийж, 250 хүүхдийг гадаадад үнэгүй хагалгаа хийхэд зуучилсан зүрхний эмч Э.Ариунцацрал, 10.000 гаруй хөгжлийн бэрхшээлтэй хүүхэд, өндөр настан иргэдэд биеийн онцлогт тохирсон тусламжийн эд хэрэгсэл олгох ажлыг зохион байгуулсан хөгжлийн бэрхшээлтэй иргэн В.Ойдов нарт TOYP шагналыг гардуулна. Ёслолын ажиллагаанд УИХ-ын дарга З.Энхболд оролцоно. Сэтгүүлч нар та бүхнийг хүрэлцэн ирэхийг урьж байна.