Өглөө.мн Шинэ өглөө, Шинэ мэдээлэл
Монгол Ардын Намын Ерөнхий нарийн бичгийн дарга Д.Амарбаясгалан энэ сарын 17-ны өдөр БНХАУ-ын Коммунист намын Төв хорооны Гадаад харилцааны дэд сайд Ван Яжүнтэй Бээжин хотноо уулзлаа.
Уулзалтын үеэр хоёр улсын харилцаанд хүлээгдэж буй асуудлуудыг түргэвчлэх, хоёр орны Засгийн газрын түвшинд хэрэгжүүлэхээр тохиролцсон, төлөвлөж буй үйл ажиллагаанд улс төрийн дэмжлэг үзүүлэх хүрээнд ажлын хэсэг байгуулахаар тохиролцжээ. Мөн талууд асуудал бүр дээр хамтран ажиллаж, богино хугацаанд шийдлийг гаргах чиглэлээр цаг хугацаатай төлөвлөгөө гарган ажиллах талаар санал солилцсон байна. БНХАУ-ын Коммунист намын Төв хорооны Гадаад харилцааны дэд сайд Ван Яжүн ирэх тавдугаар сард манай улсад айлчлал хийхээр төлөвлөөд байгаа аж.
