Ерөнхийлөгч Х.Баттулгад Энэтхэг улсын Ерөнхий сайд Н.Моди бараалхлаа

ШХАБ-ын гишүүн орнуудын Төрийн тэргүүн нарын зөвлөлийн хуралдаанд анх удаагаа ШХАБ-ын гишүүн орны хувиар оролцож байгаа Бүгд Найрамдах Энэтхэг Улсын Ерөнхий сайд Нарендра Моди өчигдөр /2018.06.10/ Монгол Улсын Ерөнхийлөгч Х.Баттулгад бараалхлаа.

БНЭУ-тай хамтын ажиллагаагаа идэвхтэй хөгжүүлэх эрмэлзэлтэй байдгаа Монгол Улсын Ерөнхийлөгч илэрхийлэхийн зэрэгцээ тус улстай кино урлаг, спортын салбарт хамтран ажиллах боломжтойг онцлов.

Мөн улс хоорондын хамтын ажиллагаа өргөжин хөгжихөд иргэд хоорондын харилцаа ихээхэн чухал байдагт талууд санал нэгдсэн юм.

Уулзалтын төгсгөлд БНЭУ-ын Ерөнхий сайд Н.Моди Монгол Улсын Ерөнхийлөгч Х.Баттулгыг БНЭУ-д зочилно гэж найдаж байгаагаа илэрхийллээ.