Л.Оюун-Эрдэнэ 60 тэрбумын хэргийг илрүүлэхэд эмэгтэй гишүүдээс тусламж хүслээ

УИХ-ын гишүүн Д.Гантулга гишүүнээс чөлөөлөгдөх хүсэлт гаргасны дараа УИХ-ын гишүүн Н.Оюундарь өөрийн твиттэр хуудастаа “Эмэгтэй гишүүдийн тэмцэл үр дүнгээ өгдөг юм байна гэдгийг харууллаа” хэмээн жиргэсэн.

Харин түүнийг ингэж жиргэсний хариуд УИХ-ын гишүүн Л.Оюун-Эрдэнэ “Та нарыг дэмжиж байгаа. 60 тэрбум, Эрдэнэтийн асуудал, нүүрсний мөргөцөг алга болсон бусад асуудалд яг энэ хүчээрээ хамтран ажиллахыг хүсье” хэмээн хариу барьжээ.

УИХ дахь эмэгтэй гишүүдийн зүгээс Д.Мурат болон Д.Гантулга нарыг эсэргүүцэж мэдэгдэл хийсэн билээ.