Өглөө.мн Шинэ өглөө, Шинэ мэдээлэл
Этиоп улсын нийслэл Аддис-Абеба хотод дэлбэрэлт болсны улмаас 1 хүн амь үрэгдэж, 156 хүн шархадсан тухай тус улсын Эрүүл мэндийн яам “Твиттер” хуудсаараа дамжуулан мэдэгджээ.
Бэртэж гэмтсэн 8 хүний биеийн байдал тун хүнд байгаа гэнэ. Өнгөрсөн бямба гарагт Этиопын Ерөнхий сайд Абия Ахмедыг дэмжсэн жагсаал цуглаан болж байх үеэр дэлбэрэлт болжээ. Арга хэмжээг зохион байгуулагчдын ярьж байгаагаар, гар бөмбөгийг ерөнхий сайдын үг хэлж байсан индэр рүү шидсэн байна. Ерөнхий сайд бэртэж гэмтээгүй байна.
