Хоёр Солонгосын тээврийн сайд нар төмөр замуудыг холбох асуудлаар уулзна

Хоёр Солонгос төмөр замуудыг шинэчлэн сайжруулж, холбох асуудлыг хэлэлцэх бодолтой байгаа тухай “Ёнхап” агентлаг мэдээлэв.

Өмнөд Солонгосын талаас тээврийн дэд сайд Ким Чон Рёл тэргүүтэй гурван хүний бүрэлдэхүүнтэй төлөөлөгчид Умард Солонгосын тээврийн дэд сайд Ким Юн Хектэй өнөөдөр хоёр улсын хилийн бүсэд орших Панмүнжом тосгонд уулзах аж.

Солонгосын хойгийн баруун хэсгийн төмөр зам нь Сөүлийн өмнөд хэсгийг Умард Солонгосын хил орчмын Синыйжу хоттой холбодог. Энэ төмөр замыг шинэчлэн сайжруулах шаардлагатай байгаа аж.

Хил дээр хэрэг, осол гарахаас урьдчилан сэргийлэх зорилгоор зэвсэгт хүчин хоорондын харилцаа холбооны шугамыг аль болох хурдан бүрэн сэргээхээр өчигдөр талууд тохиролцжээ.