Өглөө.мн Шинэ өглөө, Шинэ мэдээлэл
ОХУ-д болж буй 22 дахь удаагийн хөлбөмбөгийн ДАШТ- ий өчигдрийн тоглолт болох Коста-Рика- Швейцарын шигшээ багийн тоглолтын өмнө талбайд гардаг Kia Official Match Ball Carrier буюу тоглолтын бөмбөгний хөтөч хүүхдээр Ө.Амар ажилласан байна.
Тэрбээр хөлбөмбөгийн ДАШТ-ий талбайд гарсан анхны монгол хүүхэд боллоо. 22 дэх удаагийн ДАШТ-ий тоглолт тус бүрийг 25 улсаас шалгарсан 64 хөтөч хүүхэд эхлүүлж байгаа. Энэхүү ховор боломж Монгол улсад оногдсон бөгөөд “Киа Моторс Монгол” ХХК-иас “My dream Kia” эссэ бичлэгийн уралдааныг зарлаж, ялагчаар “Шинэ Монгол” сургуулийн сурагч Ө.Амар шалгарч байсан юм. Ө.Амар хүү англи хэлээр чөлөөтэй ярихаас гадна хөлбөмбөгийн үнэнч фанатын нэг аж.
