“60 тэрбум”ын асуудлаар нээлттэй сонсгол зохион байгуулах боломжтой боллоо

УИХ-ын гишүүн Л.Оюун-Эрдэнэ “60 тэрбум”-ын асуудлаар нээлттэй сонсгол зохион байгуулахаар гарын үсэг цуглуулж эхэлсэн. Өнгөрсөн долоо хоногт нээлттэй сонсгол явуулахыг УИХ-ын 17 гишүүн дэмжсэн юм. Тэгвэл өнөөдөр УИХ-ын гишүүн Б. Бат-Эрдэнэ, Д. Тэрбишдагва нар гарын үсэг зурснаар нээлттэй сонсгол зохион байгуулах боломж бүрдлээ.

Энэ тухай УИХ-ын гишүүн Л. Оюун-Эрдэнэ твиттер хуудастаа “УИХ-ын гишүүн Д. Тэрбишдагва 19 дахь хүн болж гарын үсэг зурж, 60 тэрбумын гэх асуудлаар нээлттэй сонсгол хийх боломжтой боллоо. Өнөөдөр УИХ-ын даргад өргөн барина” гэж мэдээллээ.

“Нийтийн сонсголын тухай хуулийн 10 дугаар зүйлийн 10.1-д заасны дагуу “УИХ-ын гишүүдийн дөрөвний нэг нь гарын үсэг зурсан тохиолдолд нээлттэй сонсгол явуулах эрхтэй” болдог юм.

УИХ-ын гишүүн Д. Тэрбишдагва 19 дахь хүн болж гарын үсэг зурж, 60 тэрбумын гэх асуудлаар Нээлттэй сонсгол хийх боломжтой боллоо. Өнөөдөр УИХ-ын даргад өргөн барина. pic.twitter.com/X1MZbVsd9w

— Л.Оюун-Эрдэнэ (@OyunerdeneMN) June 28, 2018

Б.Бат-Эрдэнэ гишүүн маань 18 дахь хүн болж, Нийтийн сонсгол зохион байгуулахыг дэмжлээ! pic.twitter.com/d0xuJ9sfC6

— Л.Оюун-Эрдэнэ (@OyunerdeneMN) June 28, 2018