Зам тээврийн хөгжлийн дэд сайдаар Л.Халтарыг томиллоо

Засгийн газар 8:00 цагаас хойш хуралдаж байна.

Зам тээврийн хөгжлийн дэд сайд Л.Халтарыг Засгийн газрын хурлаар томилж, үүрэгт ажилд нь орууллаа. Ерөнхий сайд болон сайд нар салбарын бүтээн байгуулалтын ажлуудад хариуцлагатай, хуулийн дагуу шуурхай ажиллахыг түүнд хэллээ.

Л.Халтар нь Төмөр замын ашиглалтын инженер, бизнесийн менежер мэргэжилтэй. ОХУ-ын Санкт-Петербург хотын Төмөр замын сургууль, ОХУ-ын Эрхүү хотын Замын харилцааны их сургуульд тус тус суралцаж, төгссөн. Улаанбаатар төмөр замд хашаа цэвэрлэгч, ачигчаас орлогч дарга хүртэл 38 жил ажиллажээ.

МАН-ын Удирдах Зөвлөлийн хуралдаанаас долоон хүнээс УБТЗ-ын орлогч дарга Л.Халтарыг ЗТХ-ийн дэд сайдад нэр дэвшүүлэх шийдвэр гаргасан юм.