Ким Жөн Ун ойрын хугацаанд Сөүл хотод айлчлахаа мэдэгджээ

Умард Солонгосын удирдагч Ким Жөн Ун ойрын хугацаанд Сөүл хотод айлчлахаа мэдэгджээ. Энэ тухай хоёр Солонгосын дээд хэмжээний уулзалтын хэвлэлийн төв мэдээлсэн байна.

Энэхүү айлчлал нь Умард Солонгосын удирдагчийн Сөүл хотод хийх анхны айлчлал болох юм.

Айчлалын талаар хоёр Солонгосын удирдагчийн яриа хэлэлцээний дүнд гаргасан хамтарсан мэдэгдэлд дурджээ. Уг мэдэгдэлд “БНАСАУ-ын Төрийн зөвлөлийн дарга Ким Жөн Ун Ерөнхийлөгч Мүн Жэ Ины урилгаар ойрын хугацаанд Сөүл хотод айлчлах шийдвэр гаргажээ” хэмээн тэмдэглэсэн байна.