Өглөө.мн Шинэ өглөө, Шинэ мэдээлэл
УИХ дахь МАН-ын бүлгийн өчигдрийн хуралдаанаар МАН-ын дарга, Ерөнхий сайд У.Хүрэлсүх намынхаа УИХ дахь 65-ын бүлгийн дарга Д.Хаянхярвааг огцруулах асуудлыг оруулж, хэлэлцүүллээ. Бүлгийн хуралд 59 гишүүн оролцож, Д.Хаянхярвааг бүлгийн даргаас огцруулах санал хуралт явуулахад 29:29 харьцаагаар санал тэнцсэн учраас дахин санал хураалт явуулжээ. Хоёр дахь санал хураалтаар 32:27 гэсэн саналаар МАН-ын дарга У.Хүрэлсүхийн Д.Хаянхярвааг МАН-ын бүлгийн даргаас огцруулах саналыг дэмжсэн байна.
Өөрөөр хэлбэл, МАН-ын бүлгийн 32 гишүүн Д.Хаянхярвааг бүлгийн даргаас нь огцруулах нь зүйтэй гэж үзсэн байна. МАН-ын дарга У.Хүрэлсүх УИХ-ын дарга М.Энхболдыг албан тушаалаас нь огцруулах саналыг гаргасан. Гэхдээ УИХ-ын даргыг огцруулах асуудал тусдаа хуультай учраас МАН-ын бүлгийн хурлаар хэлэлцэх боломжгүй гэж үзсэн байна.
