Өглөө.мн Шинэ өглөө, Шинэ мэдээлэл
УИХ-ын гишүүн Л.Эрдэнэчимэг хамгийн завгүй гишүүдийн тоонд орох болсон байна. Учир нь тэрбээр УИХ-д нэлээд олон ажлыг хариуцан ажилладаг. Тухайлбал эмэгтэй гишүүдийн бүлгийг ахалдаг. Дээр нь гурван байнгын хороонд харьяалагдаж, олон хуулийн ажлын хэсэгт ажиллах, дээр нь хувийн бизнесээ удирдах, цэцэг тарих гээд толгойныхоо үснээс их ажилтай байдаг гэнэ.
Тэрбээр анх УИХ-д хөл тавьсныхаа дараа “Төрийн ордонд би хамгийн түрүүнд орж ирдэг. Өмнө нь УИХ-ын гишүүн асан Д.Балдан-Очир “Эртэч бялзуухай” нэртэй байсан гэсэн. Би түүний халааг нь авч байна” гэж хэлж байсан нь өдгөө хүн бүхний инээдийг хүргэх болжээ. Түүгээр ч барахгүй эрхэм гишүүнд маань хэн нэгэнд бэлэглэх арван минутын ч зав олдохоо байсан гэнэ шүү. Мөн тамхины хууль боловсруулах гэж оюун ухаанаа багагүй чилээж, өөртөө ч зав гаргах чөлөөгүй явна гэж ойр дотныхондоо учирлаж байжээ. Өөртөө зав гаргахгүй гүйгээд байвал Л.Эрдэнэчимэг нэг л өдөр шургаж унана даа гэж журмын нөхөд нь элэглээд ч байгаа юм шиг өрөвдөөд ч байгаа юм шиг хошигнох болсон гэнэ билээ.
Тэгэхээр энэ удаагийн парламентад хамгийн завгүй, бас хамгийн эртэч гишүүнээр “Монос”-ын Л.Эрдэнэчимэг гишүүн өрсөлдөгчгүй шахам тодрох бололтой.
Эх сурвалж:
