Өглөө.мн Шинэ өглөө, Шинэ мэдээлэл
УИХ-ын чуулганы нэгдсэн хуралдааныг өнөөдөр 10:00 цагт эхлүүлэх байсан ч ирц бүрдээгүйн улмаас УИХ-ын дарга М. Энхболд хуралдааныг 15:00 цаг хүртэл хойшлууллаа.
Чуулганы өнөөдрийн хуралдаанаар Улсын Ерөнхий прокурорын газраас ирүүлсэн УИХ-ын гишүүн Г.Солтан, Д.Дамба-Очир, Б.Ундармаа, Л.Энхболд нарын дөрвөн гишүүний бүрэн эрхийг нь түдгэлзүүлэх саналыг үргэлжлүүлэн хэлэлцэнэ. Мөн Монгол Улсын Ерөнхийлөгчөөс энэ сарын 04-ний өдөр өргөн мэдүүлсэн УИХ-ын чуулганы хуралдааны дэгийн тухай хуулийн төслийг хэлэлцэх юм.
Энэ үеэр УИХ-ын дарга М.Энхболд УИХ дахь бүлгийн дарга нарыг ирцээ бүрдүүлэхийг сануулав.
