Ж.Батзанданг АН-ын гишүүнчлэлээс хасчээ

УИХ-ын гишүүн Ж.Батзанданг УИХ-ын дахь АН-ын бүлэг АН-ын гишүүнчлэлээс хасах хүсэлтээ гаргажээ. Уг албан бичгийг УИХ-ын дарга М.Энхболд өнөөдрийн чуулганы нэгдсэн хуралдааны үеэр уншиж танилцууллаа.

Албан бичигт “АН-ын гишүүн Ж.Батзанданг дөрвөн жилийн хугацаатай АН-ын гишүүнчлэлээс хасах тухай АН-ын шийдвэр гарсан. Энэ дагуу УИХ-ын гишүүн Ж.Батзанданг АН-ын бүлгийн гишүүнээс хасч өгнө үү” гэжээ.

Ардчилсан намын Үндсэн дүрмийн хороо өнгөрсөн оны 12-р сарын 3-ны өдөр хуралдаж УИХ дахь Ардчилсан намын бүлгийн гишүүн Ж.Батзандан, Л.Болд, Д.Мурат нарт хариуцлага тооцох шийдвэрийг гаргасан юм. Тодруулбал, УИХ-ын гишүүн Ж.Батзанданг АН-аас хөөх шийдвэрийг гаргаж, харин УИХ-ын гишүүн Л.Болд, Д.Мурат нарыг дөрөв хүртэлх жилийн хугацаанд сонгуульд нэр дэвших эрхийг нь хассан юм.