Сири дэх химийн зэвсгийн шинжээчдийн тэргүүнд Сигрид Каагийг нэр дэвшүүлжээ

НҮБ-ын Ерөнхий нарийн бичгийн дарга Пан Ги Мун өөрийн орлогч Сигрид Каагийг Сирид НҮБ, ХЗХБ-ын хамтарсан үүргийг гүйцэтгэж буй химийн зэвсгийн шинжээчдийн тэргүүний албан тушаалд нэр дэвшүүлсэн тухай өчигдөр Нидерландын телевиз радиогийн РТЛ компани мэдээлсэн байна.

Түүнийг эл албан тушаалд томилох эсэхийг ирэх лхагва гаригт санал асуулгаар шийдвэрлэх юм.

Сигрид Кааг нь 1994 оноос НҮБ-д ажиллаж байгаа бөгөөд 2007 оноос НҮБ-ын Ойрх Дорнод болон Хойд Африкийн Хүүхдийн сангийн хөтөлбөрийн даргын ажлыг гүйцэтгэж байгаа юм.
Л.Бадрах