УИХ-ын хаврын чуулган маргааш нээлтээ хийнэ

УИХ-ын хаврын ээлжит чуулганыг энэ сарын 5-ны өдөр буюу маргааш  нээлтээ хийнэ. Хаврын чуулганыг хуралдуулах тухай УИХ-ын даргын захирамж гарсны дараа УИХ-ын даргын дэргэдэх зөвлөл хуралдаж хаврын чуулганаар хэлэлцэх асуудлын жагсаалтыг батлах юм.

Хуралдааны эхэнд АТГ, шүүх, прокурорын дарга нарын томилгоог хэлэлцэнэ. Мөн Нотариатын хуульд нэмэлт, өөрчлөлт оруулах тухай хуулийн төсөл, Үндсэн хуульд өөрчлөлт оруулах тухай хуулийн төсөл, Эрүүгийн байцаан шийтгэх тухай хуульд өөрчлөлт оруулах асуудлыг хэлэлцэхээр төлөвлөсөн байгаа аж.