14:00 цагаас Чуулганы нэгдсэн хуралдаантай

 Өнөөдөр 14:00 цагаас УИХ-ын чуулганы нэгдсэн хуралдаан болно. Хуралдаанаар Төрөөс мөнгөний бодлогын талаар 2014 онд баримтлах үндсэн чиглэл батлах тухай УИХ-ын тогтоолын төслийн хэлэлцэх эсэхийг шийдвэрлэх ажээ.

Монголбанкнаас өргөн мэдүүлсэн Төрөөс мөнгөний бодлогын талаар 2014 онд баримтлах үндсэн чиглэлд инфляцийг найман хувьд барихаар төлөвлөсний зэрэгцээ 2013 онд хэрэгжүүлсэн арга хэмжээ үргэлжлэх болж байгаа юм. Үүнд:  “Үнэ тогтворжуулах” хөтөлбөрийг үргэлжлүүлнэ, мөн орон сууцны найман хувийн зээлийг арилжааны банкуудаар дамжуулан олгох ажлыг Монголын Ипотекийн корпорацитай хамтран хэрэгжүүлэх зэрэг ажлууд шат дараатай хийгдэнэ.