Өглөө.мн Шинэ өглөө, Шинэ мэдээлэл
Өнгөрөгч оны орон нутгийн сонгуулиар УИХ-ын гишүүн З.Баянсэлэнгэ, Н.Содхүү нарын хүмүүс МАН-ыг дэмжээрэй хэмээн иргэдээр мөнгө тараалгасан гэх хэрэгт холбогдоод байгаа.
УИХ-ын гишүүн З.Баянсэлэнгэ, Н.Содхүү нарын хүмүүс Баянзүрх дүүргийн нутаг дэвсгэрт хүмүүс хөлссөн мөнгө тараалгасан хэмээн мэдэгдэж байгаа. Тэд МАН-ыг дэмжээрэй хэмээн гурвсан сая гаруй төгрөгийг 50, 50 мянгаар тараасан гэх асуудал юм. Энэ хэргийн шүүх хурал аравдугаар сарын 8-ныөдөр болох байсан ч өмгөөлөгч нэмж авахүндэслэлээр хойшилсон. Тэгвэл эн хэргийн шүүх хурал маргааш Чингэлтэй дүүргийн шүүхэд 13.30 цагт болно.
МАН-аас нэр дэвшигч Ц.Бугасүрэн, МАХН-аас нэр дэвшигч Ш.Хишигсүрэн, түүний туслах Б.Гал-Эрдэнэ нарын зургаан хүн мөнгө тараалгасан гэгдээд буй УИХ-ын гишүүн З. Баянсэлэнгэ нарыг шүүх хуралд оролцуулах хүсэлтийг тавиад байгаа. УИХ-ын гишүүн З.Баянсэлэнгийн хувьд “Надад тараах, тараалгуулаад байх мөнгө байхгүй. Тэгээд ч хуулийн байгууллагаас намайг дуудаагүй” гэх тайлбар хэлж байгаа юм.
эх сурвалж: ньюс.мн
