Өглөө.мн Шинэ өглөө, Шинэ мэдээлэл
БНАСАУ-ын удирдагч Ким Жон Ун ОХУ-ын Ерөнхийлөгч Владимир Путины урилгаар тус улсад албан ёсны айлчлал хийж, Владимир Путинтай түүхэн дээд хэмжээний уулзалт хийхээр өчигдөр /2019.04.24/ОХУ-д очсон.
Ким Жон Ун 2011 онд төрийн эрхэнд гарснаасаа хойш анх удаа эртнээс найрсаг харилцаатай байсаар ирсэн ОХУ-д айлчилж, төрийн тэргүүнтэй нь уулзах гэж байна.
ОХУ-ын Ерөнхийлөгч Владимир Путин, БНАСАУ-ын удирдагч Ким Жон Ун нар дөрөвдүгээр сарын 25-нд Владивостокт уулзана. Хоёр орны удирдагчдын хэлэлцэх гол сэдэв нь Солонгосын хойгийн цөмийн асуудлыг тайван замаар шийдэх болон Зүүн Хойд Азийн аюулгүй байдлыг хангах асуудал юм. Владимир Путин, Ким Жөн Ун нар Владивостокт анх удаа биечлэн уулзах юм.
