Өглөө.мн Шинэ өглөө, Шинэ мэдээлэл
УИХ-ын Төрийн байгуулалтын байнгын хорооны өнөөдрийн /2019.05.08/ хуралдаанаар УИХ-ын Тамгын газрын дарга Ц.Цолмонгийн өөрийн хүсэлтээр ажлаас чөлөөлөгдөх хүсэлтийг хэлэлцэн дэмжлээ. Мөн Ц.Цолмонгийн оронд УИХ-ын дарга Г.Занданшатарын санал оруулсны дагуу УИХ-ын даргын ахлах зөвлөх Л.Өлзийсайханыг томилох асуудлыг байнгын хорооны гишүүд 100 хувийн саналаар дэмжсэн юм.
УИХ-ын Тамгын газрын даргын томилгооны асуудлыг хэлэлцсэн Байнгын хорооны саналыг маргаашийн /2019.05.09/ чуулганы нэгдсэн хуралдаанаар хэлэлцэн шийдвэрлэнэ. УИХ-ын дарга Г.Занданшатарын ахлах зөвлөх Л.Өлзийсайхан нь одоогийн Тамгын газрын дарга Ц.Цолмонтой нэг ангид сурч байсан бөгөөд түүнийг томиловол УИХ-ын Тамгын газрын даргаар анх удаа эмэгтэй хүн ажиллана.
