Өглөө.мн Шинэ өглөө, Шинэ мэдээлэл
УИХ дарга З.Энхболд хэлэлцүүлгийн үеэр өмнө төсөвлөсөн өртөгөө жил жилд хэдэн сая, тэрбумаар нь нэмж оруулж ирж байгааг нэлээд шүүмжилж байсан билээ. Тэгвэл энэхүү өртөг нэмэгдээд байгаа үзэгдлийг цэвэр авлигатай төсөв гэж үзэж байгаагаа ч нуугаагүй бөгөөд өртөг нь нэмэгдсэн төсөвтэй компаниудыг АТГ-аар шалгуулахаар болсон байна.
Тухайлбал, гурван тэрбум төгрөгийн өртөг анхлан бичиж байсан Хөгжимт театрын барилгын төсөв одоо 10 тэрбум төгрөг болсон, 500 сая төгрөгөөр барина гэж төсөвлөсөн барилга 5 тэрбум болж өссөн байгааг тодотгон хэлжээ.
Иймд тэрээр “авлигатай” төсөв оруулж ирсэн бүх компаниудыг нэгтгэн гаргаж, баримтуудтай нь маргаашийн дотор 76 гишүүнд болон АТГ-т өг гэсэн үүрэг даалгаврыг Эдийн засгийн хөгжлийн сайдад өглөө. Анхны төсөвт өртөгөө тодорхой шалтгаангүйгээр нэмж оруулж ирсэн бүх компанийг АТГ-т шалгуулах юм байна.
