Өглөө.мн Шинэ өглөө, Шинэ мэдээлэл
Хятадын Хэнань мужийн Чжэнчжоу хотоос олдсон 300 жилийн турш саяхан нас барсан “амьд” мэт харагдах байдлаар хадгалагдаж ирсэн булшийг судлан шинжлэх ажил үргэлжилж байна. Эх сурвалжийн мэдээлснээр авсыг дөнгөж нээхэд яг цогцос “амьд” мэт харагдсан бөгөөд гаргасан даруйдаа маш хурдан ялзарч муудсан байна. Энэ нь тэрхүү авсанд ямар нэгэн “нууц” оршиж байна уу гэх таамаглалыг үүсгээд байгаа юм. Энэхүү булшийг Чжэнчжоу хотын ойролцоо шуудууны нүх ухаж байсан барилгын ажилчид анх олж илрүүлжээ. Үүний дараа тэд археологичидыг дуудсан ба тэд ирж гурван булшийг нэмж нээсэн байна.
Хамгийн сонирхолтой нь, хоёр авсанд нь араг яснууд байсан бол гурав дахь авсанд дөнгөж нас барсан хүн шиг харагдах цогцос байсан байна. Харин мэргэжилтнүүд авсыг хараад 300 болсон гэтэл яагаад хүний цогцос ялзарч муудалгүй хадгалагдав хэмээн ихэд гайхаж байтал авснаас гаргасан амьд мэт цогцос нүдэн дээр өөрчлөгдөж эхэлсэн бөгөөд хэдхэн цагийн дотор арьс нь харлаж эхэлжээ.
Мөн өмнө нь байгаагүй эвгүй муухай үнэр ханхалж эхэлсэн аж.
