Өглөө.мн Шинэ өглөө, Шинэ мэдээлэл
Хоёр жилд нэг удаа зохиогддог “Усан цэргийн аж үйлдвэрийн олон улсын үзэсгэлэн” Өмнөд Солонгосын Пусан хотод өчигдөр нээгджээ.
Үзэсгэлэнд 55 орны 1590 компанийн төлөөлөгчид хүрэлцэн ирсэн байгаа бөгөөд усан цэргийн зэвсгийн цоо шинэ систем болон шинэ загварын онгоцуудыг үзүүлэх юм байна. Мөн эл хүрээнд дэлхийн 20 улсын төлөөлөгчид Өмнөд Солонгосын батлан хамгаалах салбарын томоохон үйлдвэрүүд, түүний дотор Daewoo Shipbuilding & Marine Engineering, LIG NEX 1, Samsung Thales компаниудад зочлох тухай Өмнөд Солонгосын Тэнгисийн цэргийн флотын төлөөлөгч мэдээлжээ.
Өнөөдөр Өмнөд Солонгосын усан цэрэг сүүлчийн загварын онгоцууд, нисэх онгоцуудынхаа чадварыг өмнөд эрэг хавийн нутагт үзүүлэх тоглолт хийх юм байна. Үзэсгэлэн ирэх баасан гариг буюу 10-р сарын 25-ны өдрийг дуустал Пусан хотод гарах ажээ.
