Майк Помпео Украинд хийх айлчлалаа хойшлуулжээ

АНУ-ын Төрийн нарийн бичгийн дарга Майк Помпео Иракийн нийслэл хот дахь тус улсын Элчин сайдын яаманд халдлага болсонтой холбогдуулан Украин, Кипр, Беларусь болон Дундад Азид хийх айлчлалаа хойшлуулжээ.М.Помпео айлчлалаа нэгдүгээр сарын эхээр эхлүүлэхээр төлөвлөж байсан байна. Гэвч тэрбээр “Иракийн байдлыг ажиглахаар”, мөн бүс нутаг дахь АНУ-ын иргэдийн аюулгүй байдлыг хангахын тулд Вашингтонд үлдэх ёстой болсон гэж тус улсын Төрийн департаментын мэдэгдэлд дурдсан байна.