Өглөө.мн Шинэ өглөө, Шинэ мэдээлэл
Прокурорын байгууллагаас өнгөрсөн долоо хоногт УИХ-ын гишүүн Н.Номтойбаярын бүрэн эрхийг түдгэлзүүлэх саналыг парламентад хүргүүлсэн билээ.
Тэгвэл УИХ дахь МАН-ын бүлэг энэ асуудлаар өнөөдөр хуралдаж, Н.Номтойбаяр гишүүнийг бүрэн эрхээс нь түдгэлзүүлэн шалгах тухай прокурорын хүсэлтийг хүлээн авах эсэхийг хэлэлцлээ.
МАН-ын бүлгийн хуралдааны талаар тус бүлгийн дарга Д.Тогтохсүрэн “Бүлгээр Н.Номтойбаяр гишүүний бүрэн эрхийг түдгэлзүүлэх асуудлаар хуралдлаа. Гэхдээ бүлэг эцсийн шийдвэрээ гаргаагүй. 15:30 цагт Халдашгүй байдлын дэд хороо хуралдаж шийдвэр гаргасны дараа бүлэг хуралдаж эцсийн шийдвэрийг гаргана. Бүлгийн хуралд Н.Номтойбаяр гишүүн, Улсын ерөнхий прокурор Б.Жаргалсайхан нар оролцож тайлбар өгсөн. МАН-ын дарга У.Хүрэлсүх Н.Номтойбаярыг өөрөө өргөдлөө өгөөд шалгуулчих гэж хэлсэн. Н.Номтойбаяр гишүүн бодож үзнэ гэдгээ илэрхийлсэн” гэх мэдээлэл өглөө.
