Өглөө.мн Шинэ өглөө, Шинэ мэдээлэл
Эдуард Сноудений ачаар дэлхийн олон улс орнууд АНУ-ын “Үндэсний Аюулгүйн алба” /NSA/-ныхан цахим тагнуулын үйл ажиллагааг дэлхийн улс орнуудад явуулж энгийн иргэд төдийгүй улс төрийн томоохон зүтгэлтнүүдийн утасны яриа, цахим шуудан зэргийг тагнаж байсныг мэдэж авсан билээ.
Үүний улмаас АНУ-ын холбоотнууд тэднийг хүчтэй эсэргүүцэн, шүүмжилж ерөнхийлөгч Барак Обамагаас тайлбар сонсохыг хүсэж, эл тагнан турших ажиллагаагаа даруй зогсоохыг шаардах болсон билээ.
Тэгвэл Барак Обама Үндэсний аюулгүй байдлын албандаа НҮБ-ын удирдлагуудын эсрэг явуулж буй цахим тагнуулын үйл ажиллагаагаа зогсоох үүрэг даалгавар өгсөн байна. Гэвч NSA Б.Обамагийн өгсөн эл үүрэг нь зөвхөн Нью-Йоркт байрлах НҮБ-ын удирдлагуудыг тандаж туршихаа зогсоо эсвэл олон улс дахь дипломатуудын эсрэг явуулж буй тагнуулын ажиллагаагаа зогсоо гэсний аль нь болох нь тодорхойгүй байгаа юм.
Хамгийн сүүлд гэхэд л Германы канцлер Ангела Меркелийн яриаг 2002 хүртэл чагнаж байсан нь тодорхой болсон билээ.
