Өглөө.мн Шинэ өглөө, Шинэ мэдээлэл
Оюутолгойд үүсээд байгаа асуудлыг шийдвэрлэхээр өнгөрсөн есдүгээр сарын 23-27-нд Лондон хотноо хуралдсан “Рио Тинто”-гийн удирдлагууд болон Оюутолгойн ТУЗ-ийн гишүүдийн хэлэлцээр асуудлаа нэг мөр шийдээгүй тул Монголд үргэлжлүүлэн хуралдахаар болсон. Харин энэ худалдааны шийдвэр одоо ч нийтэд тодорхойгүй байгаа билээ. Саяхан Оюутолгой төслийн хөрөнгө оруулагч “Рио Тинто” компани 4.9 тэрбум фунт стерлинг буюу найман тэрбум ам.долларын зээл авах хүсэлтийг олон улсын байгууллагуудад гаргажээ. Тэгсэн мөртлөө тус зээлийг чухам юунд зарцуулах талаараа тодорхой мэдээлэл хийгээгүй байгаа. Харин эдийн засагчид өмнө нь эхлүүлсэн төсөл хөтөлбөрүүдээ урагш ахиулах зорилгоор зээлийн хүсэлт гаргасан байж магадгүй хэмээн таамаглаж байна.
