Өглөө.мн Шинэ өглөө, Шинэ мэдээлэл
Нийслэлийн Өргөө Амаржих газарт амаржсан эх ковид-19-ийн халдвар авсан болох нь баталгаажиж, өчигдөр эх нярай хоёрыг Халдварт өвчин судлалын үндэсний төв рүү тусгаарлах үйл ажиллагааг зохион байгуулсан.
Тусгаарлах үйл ажиллагааг зохион байгуулахдаа амаржсан эхийг гэрийн халаад, углааштай нь гадагш гаргаж түргэний машинд суулгаж авч явсан үйлдэл олны шүүмжлэлийг хүлээгээд байна.
Тэгвэл өнөөдөр Шадар сайд, Эрүүл мэндийн сайдад УИХ дахь эмэгтэй гишүүдийн бүлгээс шаардлага хүргүүлжээ.
УИХ дахь эмэгтэйчүүдийн бүлгээс дараах шаардлагыг хүргүүлж байна
Үүнд:
-Хууль тогтоомж, журам зааврыг зөрчсөн этгээдэд яаралтай хариуцлага тооцох
-Эх, нярайд эрүүл мэндийн иж бүрэн шинжилгээ хийж, эрүүл мэндэд учрах эрсдлээс урьдчилан сэргийлэх
-Эрүүл мэндийн байгууллагуудын коронавирусийн халдварын үед ажиллах дүрэм, зааврын нөхцөл , хэрэгжилтийг шалгахыг шаардлаа.
