“ТЭЦ-4”-ийн ажилтан өндрөөс унаж бэртжээ

БГД-ийн 20-р хороонд өндрөөс хүн унаж бэртлээ гэсэн мэдээлэл өчигдөр 15:00 цагийн үед цагдаагийн байгууллагад иржээ. Мэдээллийн дагуу цагдаагийн бүрэлдэхүүн очиж шалгахад ТЭЦ-4 компанийн турбины засварын ажил гүйцэтгэж байсан иргэн Э гэгч нь дөрвөн метрийн өндөрт байрлах тавцан дээрээс унаж гэмтсэн байна. Тэрээр одоо ГССҮТ-д хэвтэн эмчлүүлж байна. Хэргийг БГД-ийн цагдаагийн хоёрдугаар хэлтэст шалгаж байна.