Өглөө.мн Шинэ өглөө, Шинэ мэдээлэл
Хууль зүй, дотоод хэргийн сайд асан, УИХ-ын гишүүн Ц.Нямдорж нэг танхимд зэрэгцэж суудаг Х.Баттулгаас “Уучлаарай” гэдэг үгийг их л харамлаж байгаа гэнэ. Учир нь эрхэм гишүүнийг Х.Баттулгын нэр төрд халдсан хэмээн хоёр шатны шүүхээс буруутгаад байгаа билээ.
Тодруулбал, Хан-Уул дүүргийн шүүхээс Ц.Нямдорж гишүүнийг Х.Баттулга гишүүний нэр төрд халдсан хэмээн уучлал гуйх шийдвэр гаргасан.
Гэтэл Ц.Нямдорж “Хуулийн хувьд их хөгийн юм болоод байна. Нийслэлийн шүүхэд давж заалдахад гурван сонингоор дамжуулж уучлал гуй гэсэн. Х.Баттулгаас уучлал гуйлаа гээд надаас юм уначихгүй. Эндээс төр яаж дампуурсан бэ гэдэг нь харагдаж байна” гэж байсан юм.
Ямартай ч шат шатны шүүхэд хандаад байсан Ц.Нямдорж дахин шүүхэд ялагдаж Х.Баттулгаас заавал уучлалт гуйх хэрэгтэй боллоо. Одоо Ц.Нямдорж Улсын дээд шүүхэд л хандвал таарна гэж ёжлогсод олширч байгаа ч угийн тэрслүү, хахир зантай Ц.Нямдорж гишүүн гүрийхээр шийдсэн сурагтай.
Эх сурвалж:
