Өглөө.мн Шинэ өглөө, Шинэ мэдээлэл
УИХ дахь намын бүлгүүд өнөөдөр 10:00 цагаас хуралдана. Ардчилсан намын бүлгийн хуралдаан 10.00 цагаас “А” танхимд, Монгол ардын намын бүлгийн хуралдаан 10.00 цагаас “Г” танхимд, МАХН-МҮАН-ын “Шударга ёс” эвслийн бүлгийн хуралдаан 10.00 цагаас “В” танхимд тус тус хуралдах юм.Мөн байнгын хороодын ажлын хэсгийн хуралдаан болно.
Эдийн засгийн байнгын хорооны ажлын хэсгийн хуралдаанаар:
– “Түгээмэл тархацтай ашигт малтмалын тухай хуулийн төсөл болон дагалдах бусад хуулийн төслүүд”-ийг хэлэлцүүлэгт бэлтгэх.
– “Компанийн тухай хуульд нэмэлт, өөрчлөлт оруулах тухай хуулийн төслүүд”-ийг нэгтгэн хэлэлцүүлэгт бэлтгэх
-Газрын тосны тухай хуулийн /шинэчилсэн найруулга/ төсөл болон холбогдох бусад хуулийн төслийг хэлэлцүүлэгт бэлтгэх
Хууль зүйн байнгын хорооны ажлын хэсгийн хуралдаанаар:
– “Мөрдөх албаны тухай хуулийн төсөл болон холбогдох бусад хуулийн төслүүд”-ийг хэлэлцүүлэгт бэлтгэх
– Хууль сахиулагчийн эрх зүйн байдлын тухай хуулийн төсөл болон холбогдох бусад хуулийн төслүүдийг хэлэлцүүлэгт бэлтгэх
Нийгмийн бодлого, боловсрол, соёл, шинжлэх ухааны байнгын хорооны ажлын хэсгийн хуралдаанаар:
-“Иргэний эрүүл мэндийн даатгалын тухай хуулийн шинэчилсэн найруулгын төсөл”-ийг хэлэлцэнэ
Байгаль орчин, хүнс, хөдөө аж ахуйн байнгын хорооны ажлын дэд хэсгийн хуралдаанаар:
– Химийн хорт болон аюултай бодисын тухай болон холбогдох бусад хуулийн хэрэгжилтийг шалгаж, дүгнэлт гаргана.
Төрийн байгуулалтын байнгын хорооны ажлын хэсгийн хуралдаанаар:
– Төрийн байгууллагууд өөрт ногдуулсан чиг үүргийг хэрэгжүүлэхдээ үйл ажиллагаагаа хэрхэн уялдуулж байгааг судлан дүгнэлт гаргах, саналын төсөл боловсруулах талаар тус тус хуралдана.
