Засгийн газар ээлжит бусаар хуралдана

Монгол Улсын Ерөнхий сайд Л.Оюун-Эрдэнэ өнөөдөр /2021.07.16/ 14:00 цагаас Засгийн газрыг ээлжит бусаар хуралдуулж, Авлигын эсрэг комисс байгуулна. Монгол Улсын Ерөнхий сайд Л.Оюун-Эрдэнэ энэ сарын 12-ны өдөр УОК-ын Шуурхай штабт ажиллах үеэрээ Засгийнгазар Авлигын эсрэг комисс байгуулна гэдгийг мэдэгдсэн.

“Засгийн газраас гарч байгаа шийдвэр анхан болон дунд шатанд хэрэгжихгүй байгаагаас иргэдэд төрийн үйлчилгээ хүрэхдээ хүнд суртал, авлига дагуулж байна. Энэ нь саяхан Замын-Үүдийн асуудлаас харагдсан” гэдгийг Ерөнхий сайд Л.Оюун-Эрдэнэ хэлсэн юм.