Өглөө.мн Шинэ өглөө, Шинэ мэдээлэл
Үзэгчдийн дунд өндөр хүлээлттэй байгаа “Хотулун гүнж-Алтан судрын эрэлд” түүхэн киноны албан ёсны зурагт хуудас цацагдлаа. Монголдоо төдийгүй, гадаад зах зээлд зориулан бүтээж буй гэдгээ зарлаж байгаа тулаант төрлийн энэхүү киноны баг зурагт хуудсандаа гол дүр Хотулун гүнжийг дүрсэлжээ.
Монгол Хотулуны дүрийг СУИС, Бээжингийн Урлагийн академи, ОХУ-ын Театр урлагийн дээд сургуулийг төгссөн залуу жүжигчин М.Цэрэндолгор бүтээж байгаа билээ.
“Хотулун гүнж” киноны ерөнхий найруулагчаар С.Баасанжаргал, ерөнхий зураглаачаар Г.Бат-Ирээдүй, ерөнхий зураачаар Л.Батбилэг ажиллаж байна.
Монгол гүнжийн тухай өгүүлэх анхны тулаант кино дэлгэцэнд гарах цаг ойртсоор байна. “Хотулун гүнж-Алтан судрын эрэлд” УСК-ны нээлтийг 2021 оны арваннэгдүгээр сарын 26-нд товложээ.
