Өглөө.мн Шинэ өглөө, Шинэ мэдээлэл
УИХ-ын ээлжит чуулганы нэгдсэн хуралдаан өнөө өглөө 09:00 цагт эхлэх байсан ч ерөнхий сайд Н.Алтанхуяг тэргүүтэй 26 гишүүн хуралдааныг ямар ч шалтгаангүй тасалсаны улмаас үдээс хойш 14.00 цагт хуралдахаар боллоо.
Тодруулбал, Н.Алтанхуяг, Р.Амаржаргал, Н.Батбаяр, Ж.Батзандан, Х.Баттулга, Г.Батхүү, Б.Бат-Эрдэнэ, С.Баярцогт, Б.Болор, Д.Бурмаа, Д.Наранхүү, Су.Батболд, С.Батболд, Н.Номтойбаяр, Б.Чойжилсүрэн, Н.Энхболд, Д.Тэрбишдагва, С.Бямбацогт, Д.Дашдорж, Д.Сумъяабазар, А.Тлейхан, Б.Болорчулуун, Ц.Даваасүрэн, Ч.Улаан, Н.Энхбол, М.Энхболд нарын гишүүд өглөө хуралдаа ирсэнгүй.
Харин гишүүдээс чөлөө авсан 16, гадаад томилолтоор явсан 10, дотоод томилолтоор хоёр гишүүн явсан байгаа аж. Мөн УИХ-ын дарга З.Энхболд энэ оныг дуустал томилолтод гарын үсэг зурахгүй гэдгээ мэдэгдээд гишүүдийг хуралдаа суухыг хатуу анхаарууллаа.
