Өглөө.мн Шинэ өглөө, Шинэ мэдээлэл
Найруулагч Ж.Сэнгэдоржийн ээлжит уран бүтээл “Худалдагч охин” уран сайхны кино 2022 оны Осакагийн Азийн кино фестивалийн уралдаант хэсэгт шалгарчээ.
Осакагийн Азийн кино фестивалийг 17 дахь удаагаа зохион байгуулж байгаа бөгөөд Азидаа нэртэй өндөр зэрэглэлийн фестивалийн нэг юм.
Уг фестиваль Япон улсын Осака хотод ирэх гуравдугаар сарын 10-наас 20-ны өдрүүдэд болж, шилдэг киног шалгаруулах юм.
Фестивалийн уралдаант хэсэгт шилдэг 15 киног сонгон шалгаруулсны нэг нь “Худалдагч охин” кино . Тодруулбал, Солонгос, Араб, Хонгконг, Япон, Малайз, Филипин, Тайван, Хятад, Энэтхэг, Казакстан зэрэг олон орны кино уран бүтээлчдийн кинотой өрсөлдөх эрхтэй болжээ.
