Өглөө.мн Шинэ өглөө, Шинэ мэдээлэл
Японы нэгэн эмнэлэгт ДОХ-той донорын цусыг хэрэглэсэн тохиолдол гарчээ.
Тодруулбал, эмнэлэгт хүргэгдэж ирсэн хоёр өвчтний цусыг ДОХ-той донорын цусаар сэлбэсэн тухай өчигдөр тус улсын Эрүүл мэндийн сайд Норихиса Тамуру ярьсан байна.
Гэвч эмнэлгийн ажилтнууд донор цусыг ДОХ-той гэдгийг мэдээгүй байсан аж. Учир нь 11-р сард ДОХ-ын халдвартай болох нь тогтоогдсон уг донор өнгөрсөн хоёрдугаар сард цусаа өгч байсныг яамнаас тогтоосон бөгөөд тухайн үед донор залуугаас ДОХ –ын халдвар илрээгүй байна. Гэхдээ донор эрэгтэй ДОХ-ын эрсдэлтэй тухайгаа нуун албаар цусаа өгсөн байх магадлалтай аж. Мөн эмч нар донор залуугийн цус ДОХ-ын вирустай байсныг яагаад илрүүлээгүй тухайгаа “ДОХ-ын далд үе нь найман долоон хоног байдаг бөгөөд энэ үед халдварыг гаргах боломжгүй. Залуу өнгөрсөн 2-р сард цусаа өгөх үед нууц үе нь таарч илрээгүй байх магадлалтай” гэсэн байна. Одоогоор ДОХ-той донорын цус сэлбүүлсэн хоёр өвчтөнд нарийн шинжилгээ хийж байгаа ажээ.
Дашрамд дурьдахад, Японд хамгийн сүүлд арван жилийн өмнө цус сэлбэх үед ДОХ -ын халдвартай цус хийсэн тохиолдол гарч байсан гэнэ.
