Их Британийн кино наадмаас “The Women” киноны уран бүтээлчид шагнал хүртлээ

Их Британийн нийслэл Лондон хотноо 2022 оны 12-р сарын 14-ний өдөр “British Film Festival 2022” наадмын шагнал гардуулах ёслол зохион байгуулагджээ.

Энэхүү наадмаас найруулагч Б.Отгонзоригийн “The Women” уран сайхны киноны уран бүтээлчид шагнал хүртсэн байна.

Тодруулбал “Best Lead Female Actor” буюу “Шилдэг эмэгтэй гол дүр”-ийн шагналыг жүжигчин Ч.Ундрал /СТА/,

“Best Supporting Actor” буюу “Шилдэг туслах дүр” шагналыг жүжигчин Т.Борхүү /МУГЖ/ нар хүртжээ.

Шагналыг Монгол улсаас Их Британи, Умард Ирландийн нэгдсэн хаант улсад /ИБУИНХУ/ суугаа элчин сайдын яамны төлөөлөл гардан авсан билээ.

Тэгвэл шагналыг энэ сарын 26-ний өдөр Гадаад харилцааны яамны төлөөлөл “The Woman” киноны уран бүтээлчдэд хүлээлгэн өгсөн байна.