Өглөө.мн Шинэ өглөө, Шинэ мэдээлэл
УИХ-д суудалтай намын төлөөлөл Үндсэн хуульд өөрчлөлт оруулах асуудлаар мэдээлэл хийлээ.
УИХ дахь МАН-ын бүлгийн дарга Д.Тогтохсүрэн: ҮХӨ-ийг хийхдээ хоёр үндсэн зарчим барьж ажилладаг. Нэгд, олон нийтийн санал бодлыг сонсож, тусгах.
УИХ-ын гишүүд өнгөрсөн 7 хоногт тойрогтоо ажилласан. Иргэд сонгуулийн холимог тогтолцоог дэмжсэн ч гишүүдийн тоог 152 болгох саналыг дэмжээгүй.
АН 60:40 болгох санал гаргасан. Тиймээс бид 60:40 болгох саналыг дэмжсэн. ХҮН 50:50 байх, жагсаалтад нэр цэвэр хүмүүсийг оруулах хууль эрх зүйн орчныг бүрдүүлэх шаардлагатай гэсэн санал хэлсэн. Тиймээс бид ярилцаж байгаад УИХ-ын гишүүний тоог 126 болгож, тойргоос 76, намын жагсаалтаар 50 гишүүн сонгогдох дээр зөвшилцөж, санал нэгдлээ.
АН-ын бүлгийн дарга О.Цогтгэрэл: АН-ын ҮБХ-оос шийдвэр гаргасан. Хэрвээ холимог болбол тойргоос 76, жагсаалтаар 50 нь сонгогдох ёстой гэж үзсэн. УИХ-д суудалтай намын төлөөлөл, ажлын хэсэг хуралдаад тойргоос 76, жагсаалтаар 50 нь сонгож 126 гишүүнтэй байя гэдэг дээр санал нэгдлээ.
