Өглөө.мн Шинэ өглөө, Шинэ мэдээлэл
Ерөнхий сайд Л.Оюун-Эрдэнэ Бүгд Найрамдах Киргиз Улсын нийслэл Бишкек хотноо энэ сарын 25-26-ны өдрүүдэд зохиогдсон ШХАБ-ын гишүүн, ажиглагч орнуудын Засгийн газрын тэргүүн нарын зөвлөлийн өргөтгөсөн хуралдаанд оролцож, үг хэллээ.
Хуралдааны үеэр Ерөнхий сайд Л.Оюун-Эрдэнэ Монгол Улсын Засгийн газар “Алсын хараа-2050” урт хугацааны хөгжлийн бодлогыг ойрын 10 жилд хэрэгжүүлэх эхний үе шат болох “Шинэ сэргэлтийн бодлого”-ын хүрээнд худалдаа, тээврийн нөхцөлийг хөнгөвчлөх, далайд гарах, дамжин өнгөрөх тээврийг хөгжүүлэх чиглэлээр тууштай нээлттэй бодлого хэрэгжүүлж байгаагаа танилцуулж, ШХАБ-ын гишүүн, ажиглагч орнуудыг далайд гарцгүй улс орнуудын ачаа тээврийн асуудлыг тусгайлан авч хэлэлцэхийг Ерөнхий сайд Л.Оюун-Эрдэнэ уриалав.
ШХАБ-ын дараагийн арга хэмжээг зохион байгуулах Пакистан улсад хандаж улс орнуудын оролцоог хангаж, ажиглагч орнуудын арга хэмжээнүүдийг олноор зохион байгуулахыг уриалсан юм.
