Хөгжлийн банкны “Самурай” бондын өрийг бүрэн төлж барагдууллаа

Монгол Улсын Засгийн газар Хөгжлийн банкны “Самурай”  бондын өрийг хугацаанд нь бүрэн төлж барагдууллаа.

Ерөнхий сайд Л.Оюун-Эрдэнэ өнөөдөр  хөрөнгө оруулагчдад хандаж мэдэгдэл хийлээ.

Ерөнхий сайд Л.Оюун-Эрдэнэ “Хөгжлийн банк, “Эрдэнэс Тавантолгой” ХК-нд авч хэрэгжүүлсэн авлигын эсрэг багц арга хэмжээний үр дүнд Монгол Улс 12 жил үргэлжилсэн өрийн гинжин хэлхээнээс өнөөдөр гарч чадлаа” гэв.

Монгол Улсын Засгийн газар 2021-2023 оны хооронд нийт 13.3 их наяд төгрөгийн зээлийг төлж барагдуулжээ.