Дэлхийн циркчдийн их наадмаас Монголын уран бүтээлчид “Мөнгөн алиалагч” цом хүртлээ

Монакогийн  Монте Карло хотод 2024 оны 1 дүгээр сарын 19-29-ний өдрүүдэд зохион байгуулагдсан “Монте Карло – 46” дэлхийн циркчдийн их наадамд Монгол Улсыг төлөөлж Т.Амартүвшин ахлагчтай “Трүүп Амараа” хамтлагийн уран бүтээлчид “Хүннү гүрэн” бүтээлээр оролцон “Мөнгөн алиалагч” цомын эзэд боллоо.

Тус бүтээлийн онцлог нь “Монта Карло – 46” их наадмын алтан тайзнаа анх удаа 6 давхарласан хүн рүү 2 эргэлт хийж, 4 давхарласан 9,5 метр өндөр турбатай сандал руу хойшоо 2 эргэлттэй нисэх, шидэх банзнаас хойшоо агаарт 5 сальто эргэлт хийх үзүүлбэрийг зориглон үзүүлснээрээ анхдагч бөгөөд шинэлэг байлаа.

Тэртээ 1986 онд Монголын циркийн уран бүтээлчид “Хос уран нугаралт”-ын төрлөөр тус наадамд амжилт үзүүлж “Мөнгөн алиалагч” цомын эзэд болсон түүхтэй.  Түүнээс хойш 38 жилийн дараа ийнхүү дэлхийн циркчдийн олимпод Монголын циркийн чанар, түвшнийг таниулан сурталчилж, түүхэн амжилтыг бататгалаа.

“Troupe Amaraa” хамтлагийн уран бүтээлчид:

СТА Т.Амартүвшин

СТА Х.Мөнхзоригт

СТА А.Энхтамир

СТА Ц.Баярхүү

СТА П.Ариун-Эрдэнэ

СТА Ц.Номин

СТА Ч.Эрдэнэжаргал

СТА Г.Лхагвадорж

СТА Э.Алтангэрэл

СТА Б.Бат-Ирээдүй

СТА Г.Ганзориг

СТА Н.Цогтбаяр

С.Зүч

Б.Энхтулга

 

Санал болгох мэдээ

Бүжигчин Б. Болор “Дэлхийн мисс” тэмцээнд оролцоно

“Miss World” тэмцээн 71 дэх жилдээ Энэтхэг улсын Шинэ Дели хотноо албан ёсоор 2024 оны …