Өглөө.мн Шинэ өглөө, Шинэ мэдээлэл
УИХ дахь МАН-ын бүлгийн даргаар С.Бямбацогт сонгогдлоо. Тус албан тушаалд Ж.Энхбаяр гишүүнтэй өрсөлдсөн түүнд МАН-ын бүлгийн хуралд оролцсон 25 гишүүнээс 16 нь саналаа өгсөн байна. Ийнхүү ирэх гурван жилийн турш С.Бямбацогт гишүүн бүлгээ удирдах боллоо.
Боловсрол:
– 1992 онд Ховд аймгийн 10 жилийн 2 дугаар дунд сургууль,
– 1998 онд Санхүү, эдийн засгийн дээд сургуулийг Эдийн засагч мэргэжлээр төгсөж,
– 2005 онд Голландын Мастрихтын Их сургуулийг Бизнесийн удирдлагын магистер зэрэг хамгаалсан.
Ажилсан байдал:
– 1998-2000 онд “Ховдын өргөө” ХХК-ийн ерөнхий захирал,
– 2000- 2006 онд “Нью прогресс” ХХК-ийн захирал,
– 2006-2008 онд “Нью прогресс” группын ТУЗ-ийн дарга,
– 2008 онд “Нью прогресс” группын Ерөнхийлөгч, МАХН-ын Бага хурлын гишүүн,
– 2006-2008 онд Монголын ардчилсан социалист оюутны холбооны Ерөнхийлөгч, Монголын ардчилсан социалист залуучуудын холбооны Удирдах зөвлөлийн гишүүнээр сонгогдон ажиллаж байсан.
