Өглөө.мн Шинэ өглөө, Шинэ мэдээлэл
Жазз хөгжмийн урлагт өөрийн өнгө төрхөөрөө танигдан гарч ирсэн чадварлаг дуучин Ц.Хулан энэ сарын 16-ний өдөр уран бүтээлийн бие даасан тоглолтоо хийх гэж байна.
“Улаанбаатар” зочид буудлын event hall-д “KHULAN jazz concert”-ийн бэлтгэл бүрэн хангагджээ.
Нэгэн үдшийг жазз хөгжмийн аялгуу сонсч, аз жаргалтай өнгөрүүлэх боломжийг олгох түүний тоглолтыг хөгжмийн зохиолч, продюсер Б.Наранзун хөтөлж, “THE HU” хамтлагийн үүсгэн байгуулагч Монгол Улсын Гавьяат жүжигчин, дуучин, продюсер, Б.Дашдондог, “Инээмсэглэл” хамтлагийн дуучин, Монгол Улсын Гавьяат жүжигчин, дуучин Н.Ганхуяг, “Шар айраг” хамтлагийн дуучин Буянаа /СТА дуучин Буянтогтох/ болон Улсын филармонийн гоцлол дуучин Наагий /дуучин Н.Наранбаатар/ нар хамтран ая дуугаа өргөх аж.
Тоглолт хоёр хэсгээс бүрдэх бөгөөд эхний хэсэгт дэлхийн шилдэг классик жазз бүтээлүүд, хоёр дахь хэсэгт дуучин Ц.Хулангийн зүрх сэтгэлд хоногшсон дуунууд болон дуэт хоршил дуунууд шинэчилсэн найруулгаар эгшиглэх болно.
Та бүхнийг дуучин Ц.Хулангийн яруу тансаг уянгалаг хоолой, мэргэжлийн хөгжимчдийн чадварлаг тоглолт, classic jazz, soul, R&B, pop хөгжмийн хэмнэлд нэгэн үдэш мартагдашгүй дурсамж бүтээх концертонд урьж байна.
